Live oder Online - Das ist hier die Frage

[Arodon]

Sali zämme

Y kaa em Online-Poker nit vyyl abgwinne...

Stell mer das öbben esoo voor.

Y staar my Computer aa - zämmefächere losst sich doo nyt - der Geegner bietet 500 - y lueg en aa, s Männli uff em Bildschiirm - z fächere gits jo nyt - brieff nomool Flop bis River - entdegg der Schwaiss dropfe uff der Stirn vom Geegner, ou nai, isch numme Drägg uff em Bildschirm - e Bäärli liggt - y haa e Tripplet aber dieff - het er e Full Hous oder Four of a Kind - er wiirggt ganz glasse, uff em Bildschiirm - styg us - MISCHT!

Lieber doch esoo...

Y schiil kuurz uff myni Kaarte - fächere sy grad wiider zämme - der Geegner bietet 500 - y lueg en aa - fächere d Kaarte nomool uff - brieff nomool Flop bis River - entdegg der Schwaiss dropfe uff der Stirn vom Geegner - e Bäärli liggt - y haa e Triplet aber dieff - het er e Full Hous oder Four of a Kind - er wiirggt nervöös - y gang mit - wott gsee - GWUNNE!

Y waiss nit, aber bim Onlinepoker kaasch d Gegner vyyl weniger yyschetze. S fallt doch denn e gwichtige Dail wägg...

Gruess Patrick